Egypt's Skateboarding Hub Since 2005

اضحك

laugh-ziadashraf

ايوة اضحك, متضحكش ليه؟ هو الضحك بقى بفلوس ولا ايه؟ الضحك طول عمره ببلاش عشان كدة حتى الغلابة بيضحكوا, مش مهم على ايه, المهم انك تظهر طاقة ايجابية و خلاص, سخسخ و اضحك و عيش حياتك.
محدش واخد منها حاجة, اضحك عشان تفرح الغلبانة اللى ربتك و شقت و تعبت عشان تخليك تبتسم و تشوف الفرحة فى عنيك,اضحك عشان تحبط اعدائك,اضحك عشان صاحبتك اللى بتحاول تفرحك و مش عارفة,افرح بدل الكاّبة اللى معيشين اهلنا فيها دى,اضحك عشان تفرح اللى قدامك,و الاهم من دة كله اضحك عشان نفسك.

عمر الغنى ما ضحك حد و عمر الفقر ما عيط حد, عشان الفرحة مش بالفلوس, طبعا كلكوا شايفين ان الفلوس حتجبلك اللى يفرحك زى الموبايلات و اللبس و العربيات و كل حاجة,لكن نسيت ان الفلوس عمرها ما حتشتريلك اب, عمرها ما حتشتريلك ام, عمرها ما حتشتريلك اهل يحبوك و يعطفوا عليك, عمرها ما حتشتريلك رجل زيادة ولا ايد زيادة, عمرها ما حتشتريلك واحدة تحبك, عمرها ما حتشتريلك الضحكة.

الفقر عمره ما منع حد انه يضحك,دة الفقرا بيضحكوا اكتر من الاغنيا عشان معندهمش الشغل اللى جايبلهم الضغط على طول, عشان مجبلهمش الحرامى اللى يسبتك عشان اللى معاك,عشان مجبلهمش الصحاب الفشنك اللى حطين عنيهم على فلوسك,عشان مجبلهمش البنت اللى تحب لوسك و متحبكش انت,الفقر عمره ما كان مشكلة,عشان هما شايفين النعم و الغنى شايف اللعن.

عرفت ليه تضحك ؟ مش مهم تكون ضحكت المهم تكون فهمت انا قصدى ايه, المهم تكون فهمت ان الضحكة نعمة و انت مش شايفها عشان عندك اللى احلى منها,لكن فى عينين ناس تانية الضحكة حلم,انسى كل حاجة و اضحك عشان الضحكة دى هى اللى حتفرحك بجد.

بقلم:على مجدى
رسم: زياد أشرف